अमेरिकाले पूर्वाधार निर्माणमा १० खर्ब डलरको योजना ल्याउने

 अमेरिकाले पूर्वाधार निर्माणमा १० खर्ब डलरको  योजना ल्याउने 
एजेन्सी  अमेरिकाले पुर्वाधार निर्माणमा मात्र १० खर्ब अमेरिकी डलर खर्च गर्नगरी बिस्तृत योजना ल्याउने  भएको छ । अमेरिकाको यातायात सचिव एलेन काओले यस वर्षको अन्तिमसम्ममा अमेरिकाले संरचना निर्माणको क्षेत्रमा १० खर्ब अमेरिकी डलरको योजना ल्याउनसक्ने जानकारी दिएकीछन । काओले दिएको जानकारीअनुसार यस वर्षको अन्तिमसम्ममा ल्याउन लागिएको संरचना निर्माणको योजना आगामी १० वर्षको लागि ल्याउने र यसमा पनि यातायातको क्षेत्र प्राथमिकतामा पर्नेछ । अमेरिकाको यातायातको संरचनाहरु विस्तार गर्न यो निकै महत्वपूर्ण हुने देखिएको हो । आगामी १० वर्षको लागि केही विशेष लक्ष्य हासिल गर्नको लागि यो याजना अघि सारिएको हो ।  यसअघि अमेरिकी राष्ट्रपति डोनाल्ड ट्रम्पले अमेरिकाको यातायातको क्षेत्रमा धेरै सधार गर्नु आवश्यक रहेको बताएका थिए । परम्परागत यातायात प्रणालीको कारण अमेरिका पछाडि रहेको उनको भनाइ थियो ।  संरचना निर्माणको योजनामा यातायातको अलावा ऊर्जा, खानेपानी र केही हस्पिटल तथा नेटवर्किङको पनि योजना समावेश हुने बताइएको छ । विश्वका धेरै मुलुकहरुले आफ्नो आर्थिक क्षेत्रको सुधारको लागि संरचना निर्माण तथा व्यापार विस्तारमा ध्यान दिने गरेकोमा अमेरिका भने आर्थिक वृद्धिदरको हिसाबमा पछाडि रहेको छ । अमेरिकाको आर्थिक क्षेत्र पनि बाराक ओबामाको पालामा कमजोर रहेको भन्दै आलोचना गरेका ट्रम्पको लागि अमेरिकी अर्थतन्त्रलाई बलियो बनाउने जिम्मेवारी पनि रहेको छ । अमेरिकामा रोड, पुल, विमानस्थललगायतका संरचनाहरु आधुनिकीकरणको लागि प्रयोग गरिने बताइएको छ । त्यसका लागि निजी क्षेत्रसँग पनि सहकार्य गरिने बताइएको छ ।  ट्रम्पले यसअघिका योजनाहरुको सुधार गर्नुभन्दा पनि छुट्टै किसिमको योजना ल्याई अमेरिकाको संरचनाको क्षेत्रमा सुधार गर्ने यातायात सचिवले जानकारी दिएकी हुन् ।  यसले सरकारका योजनाहरुको गतिमा पनि वृद्धि हुने उनको विश्वास रहेको छ । अमेरिकालाई पहिलो दृष्टिमा राखेर ट्रम्पले आर्थिक सुधारको योजनाहरु ल्याउने बताइरहेको अवस्थामा यातायातको क्षेत्र अमेरिकाको लागि केही महत्वपूर्ण हुने देखिएको छ । गएको मार्च १ अमेरिकाको यातायातको औसत अहिलेसम्मकै सबैभन्दा उच्च विन्दुमा रहेको देखिए पनि अहिले भने यो नतिजा चार दशमलव तीन प्रतिशतको गिरावटमा परेको छ ।  केही लगानीकर्ताहरुले भने अहिले ट्रम्पका योजनाहरु लागू गर्ने समय आएको र त्यसैअनुसारको योजनाहरु ल्याउने तयारी पनि भइरहेको बताएका छन् । यसले अमेरिकाको आर्थिक क्षेत्रमा विस्तार हुने उनीहरुको भनाइ रहेको छ । यस महिनाको सुरुवातमा ट्रम्पले १६ अर्ब २० करोड अमेरिकी डलरबराबरको रकम संरचनाको क्षेत्रमा लगानीको योजना अघि सारेका थिए । यो सन् २०१८ सम्मको लागि ल्याइएको योजना थियो । अघिल्लो वर्षको तुलनामा यो नतिजा १३ प्रतिशतको गिरावटमा परेको हो । अहिले ल्याइएको योजनामा १७ करोड ५० लाखको बजेट भने वार्षिक कोषबाट ल्याउने तयारी भइरहेको बताइएको छ ।   

Posted on: 2017-Apr-20