युवाहरुमा बढ्दै छ, हेयर डेड लकको क्रेज

 युवाहरुमा बढ्दै छ, हेयर डेड लकको क्रेज 
सुष्मा महरा  प्रवन्ध निर्देशक फेसियल हाउस, काठमाडौं मल सुन्धारा सामान्यतया कपाललाई लट्टा बनाउने प्रकृयालाई हेयर डेडलक भनिन्छ । परम्परागतरुपमा साधु सन्त, फकिरहरुले कपाललाई डेडलक बनाउँथे । तर केही समययता नयाँ पुस्तामा समेत डेडलकले फेशनको रुप लिएको छ । तन्नेरी युवायुवतीहरु आफ्नो कपाललाई लट्टा बनाउन तल्लिन रहेकाछन् । मुलत पश्चिमा मुलुकका कतिपय, रक, पप तथा फुटबल स्टारले आफ्नो कपाललाई लट्टा बनाउन थालेपछि त्यसको देखासिकी गर्दै नेपाली युवा जमातले पनि हेयर डेडलकको फेशन अपानाएका हो । हुन त हिन्दुहरुका भगवान शिबको परिचय पनि लट्टायुक्त कपाल हो । यसरी पछिल्लो समय फेशन बनेको हेयर डेडलक गर्न त्यति सजिलो भने छैन । कसरी बनाउने त हेयर डेडलक ? यस पटक यहाँ हेयर डेडलकको केही टिप्स प्रस्तुत गरिएको छ  आवस्यक सामाग्रीहरु १ कुरुस २ थप्नको लागि आवस्यक कपाल ३ मुस  ४ खरानी बनाउने तरिका – कपाल डेडलक बनाउनुअघि सम्बन्धित व्यक्तिको कपाल केही लामो हुनुपर्छ । – आवस्यक कपालमा केही कपाल थपेर मोटो बनाउनको लागि थप कपाल लिनु पर्छ ।  – यसपछि कुरुसको सहायताले सम्बन्धित कपालमा नयाँ कपाल थपेर लट्टा बनाउँदै जाने । – यसरी बनिसककेको कपाललाई लट्टाको रुप दिन त्यसमा खरानी र मुसको प्रयोग गर्ने । – यसरी कपालको स्वरुप अनुसार २५ ओटासम्म लट्टा बनाईन्छ । – यसरी पुरै नयाँ कपाललाई डेडलक बनाउन कम्तिमा पाँच घण्टा लाग्छ ।   डेडलकको स्याहार – डेडलक बनाएपछि सम्बन्धित कपाललाई नियमितरुपमा सफाई गर्न पनि त्यतिकै आबस्यक रहेको हुन्छ । समयमा सफा गरिएन भने कपाल सम्बन्धित विभिन्न समस्या आउने, जुम्रा पर्न सक्छ । – त्यसैले डेडलक कपाललाई हप्तामा कम्तिमा दुई पटक सफा गर्नु आबस्यक छ ।  – अरु कपाललाई जस्तो सामान्य सेम्पुको धुवाईले डेडलक कपाल सफा हँुँदैन । त्यसैले लट्टा नछुटोस भनेर हरेक लट्टालाई सावधानीपूर्वक राम्ररी स्याम्पुको प्रयोग गरेर धुनुपर्छ । यसरी धुँदा कपालमा राम्ररी सेम्पु लगाएर निकैबेर मिच्नुपर्छ ।  – यसरी सेम्पु गरिसकेपछि हलुकासँग धुनुपर्छ । तर लट्टाको सेम्पु राम्ररी पखालिनु पर्छ । धुने क्रममा लट्टालाई कडासँग मिच्यो भने लट्टा बिग्रनसक्छ । – एक पटक गरेको डेडलकलाई लामो समयसम्म टिकाउन बेला बेलामा बिग्रिएको लट्टालाई पुन बनाउनु तथा कडा तुल्याउनुपर्छ ।   डेडलकको प्रयोग डेडलकको प्रयोग प्राचिनकालदेखि नै अफ्रिकीमुलुकमा बढी भएको पाइन्छ । उनीहरुको कपाल  अत्याधिक खुम्चिने भएकाले त्यसलाई सिधा बनाउन पनि प्राचिनकालदेखि अहिलेसम्म पनि प्रायले डेडलक गर्दै आएकाछन् । यस्तै युरोपको हिप्पी समुदाय, भारतको जोगी समुदाय, नेपालको हिमाली प्रदेशका केहीजाती र चीनको तिब्बतीय समुदाय, मँगोलको मँगोलियन समुदाय लगायतले कपाललाई डेडलक गर्छन । १० डिसेम्बर २०१० मागिनिज बुक अफ वल्ड रेकर्डमा अमेरिकी महिला आशा मण्डेलाले विश्वको सबै भन्दा लामो डेडलक कपाल बनाएर आफ्नो नाम दर्ता गराएकी थिईन् ।  तर अझैपनि केही मुलुकहरुमा डेडलक बनाउनुलाई नराम्रो मान्ने गरिएको छ ।   

Posted on: 2015-Mar-2