लागु औषध नियन्त्रणमा हालसम्मकै ठूलो अप्रेशन

 सञ्जय महर्जन
काठमाडौं, असार  लागु औषध कारोबार नियन्त्रणमा आक्रामक बन्दै गएको प्रहरीले हालसम्म कै सबै भन्दा ठुलो अपरेशन सफल पारेको छ । प्रहरीको लागू औषध नियन्त्रण ब्यूरोले एक अर्ब दुई करोड रुपैंयाँ बराबरको लागू औषध हेरोइन बरामद गरेको छ । यो लागु औषध कारोबारमा हालसम्म कै ठुलो घटना हो ।  ब्युरोका एसपी जीवन श्रेष्ठले विभिन्न स्थानबाट ५१ किलो हेरोइनसहित सात जनालाई पक्राउ गरिएको जानकारी पत्रकार सम्मेलन मार्फत दिएका छन् । बरामद भएका हेरोइनमध्ये ४९ किलो सेतो र दुई किलो खैरो रहेको छ । ब्यूरोले ५१ केजी सेतो हेरोइनसहित सात जना दक्षिण अफ्रिकन महिलालाई  समेत पक्राउ गरेको छ । पक्राउ पर्नेमा सिबिसी थान्डेकिले, मुरिएल केदुकवाजी थेम्बेनी न्साम्बा, त्शाबाला खान्यिसिल इभोन्ने, रोसिन्हा नोन्केले जान्त्जो, महलाको मौरीन माथिबा, मोरोएसी सुजान कोफु र मार्लिज बाडेनहोस्र्ट रहेको प्रहरीले जानकारी दिएको छ । ब्युरोका अनुसार यो लागुऔषध विरुद्धको अहिलेसम्मकै ठुलो अपरेशन हो । चार दिन लामो अपरेशन चलाएर ब्यूरोले ५१ किलो सेतो हेरोइन बरामद गरिएको ब्युरोका एसपी श्रेष्ठले जानकारी दिएका छन् ।

Posted on: 2022-Jun-29