उपत्यकामा एक बर्षमा झण्डै छ हजार अपराध

 उपत्यकामा एक बर्षमा झण्डै छ हजार अपराध 
युवा हुंकार व्युरो काठमाडौ साउन  काठमाडौ उपत्यकामा एक बर्षमा साना ठुला समेत गरी झण्डै छ हजार वटा अपराधिक घटना भएकाछन । महानगरीय प्रहरी कार्यालय रानीपोखरीले सार्वजनिक गरेको एक आर्थिक बर्षको अपराध सम्वन्धी तथ्यांक अनुसार गत एक वर्षमा उपत्यकामा पाँच हजार नौ सय २४ वटा अपराधिक घटनाहरु भएकाछन ।  प्रहरीका अनुसार गत एक वर्षमा काठमाडौंमा चार हजार पाँच सय ८२, ललितपुरमा आठ सय ५९ र भक्तपुरमा चार सय ८४ वटा अपराधिक घटनाहरु भएकाछन । समयलाई विश्लेषण गर्ने हो भने छ बजेदेखि १२ बजेसम्म सबैभन्दा बढी घटना हुने गरेको डिआइजी बम बहादुर भण्डारीले जानकारी दिएकाछन । भण्डारीका अनुसार काठमाडौं उपत्यकामा सबैभन्दा बढी शुक्रबार र शनिबार आपराधिक घटना हुने गरेको छ । साताका अन्तिम यी दुई बारमा मात्रै पूरै आपराधिक घटनाका १६ प्रतिशत घटना हुने गरेको डिआइजी भण्डारीले बताएकाछन ।  यी दुई बारपछि मंगलबार, बुधबार र बिहीबार १४ प्रतिशत घटना हुने गरेको छ भने आइतबार र सोमबार भने सबैभन्दा कम अपराध हुने छ ।  महिनाका हिसाबमा सबैभन्दा धेरै भदौमा अपराध भएका छन् । गत भदौमा पाँच सय ९६ वटा घटना भएकाछन । त्यसपछि चैतमा पाँच सय ५४, जेठमा पाँच सय २१, फागुनमा चार  सय ८६ वटा घटना भएका छन् । वैशाख र असोजमा कम घटना हुने गरेको प्रहरीले जानकारी दिएको छ ।   

Posted on: 2017-Aug-30