23 Jan
Sat

“Journalism for the Nation”. Nation and its people are the priority for Hunkar.

ग्रामिण क्षेत्र जनताको आर्थिक समृद्दीको आदर बन्दै काल्चे सडक

20 - Apr-2017, Posted by: Yuwahunkar   |   COMMENTS: 0
 ग्रामिण क्षेत्र जनताको आर्थिक समृद्दीको  आदर बन्दै काल्चे सडक 
भूसन राज शर्मा 
छ किलो मिटर सडक जम्मा ४० लाख रुपैयाँमा निर्माण सम्पन्न भयो भन्दा धेरैलाई पत्यार नलाग्न सक्छ । तर यो साँचो हो । स्थानीय श्रोत, साधान, श्रम र लगानी समेतको समिश्रणबाट नुवाकोटको हिमाली जिल्ला जोडिने उर्लेनीको ओख्रे खोला काल्चे सडक निर्माण कार्य सम्पन्न भएको छ । 
पुर्वाधार विकास निर्माणका सन्दर्भमा यो खासै उल्लेख हुनुपर्ने र राष्ट्रिय तहका पूर्वाधार विकास निर्माणमा त यो अत्यन्तै सानो काम हो जसलार्ई अनुकरणीय मान्नुपर्ने कुनै कारण  होला भन्ने नलाग्ला । देशभरिका सडक निर्माण भइरहेका सन्दर्भमा सडकको यो लम्बाइ र बजेटको यो अंकले आफैँ त्यस्तो बुझाउँछ नै । 
काल्चे सडक नुवाकोटतको क्षेत्र नम्वर २  मा पर्छ ।  यो सडकका प्रस्तावक हुन् यहाँबाट निर्वाचित नेपाली कांग्रेसका सांसद् डा. रामशरण महत । उनले आफ्नो भागको सम्बन्धित शीर्षकबाट यति रकम दिएपछि नै यो सडक निर्माण भएको हो । गएको माघे संक्रान्तिमा यो सडकनिर्माणका लागि यहाँ डोजर आइपुग्यो त्यसै दिनदेखि कोतर्नथाल्यो । यो बीचमा रहेको हेर्दै डरलाग्दो अक्करे भीर कोतर्न र यो काम सकेर फागुन मसान्तमा त्यो फर्कियो । यो समय भनेको जम्मा दुई महिनाको हो । यस्तो भीर फोरेर आफ्नो गाउँ काल्चेसम्म सडक पुग्छ भन्ने कसैले सोचेकै थिएन । त्यो पनि यति छोटो दुई महिनाकै समयमा र यति सानो ४० लाखको रकमबाट सम्पन्न होला भन्ने यहाँका स्थानीयले पत्याएका थिएनन् सुरुमा । तर यही चैतको ९ गतेका दिन डा. महत गाडी चढेर नै त्यहाँ पुगे त्यो पनि यो बेलासम्मको सबैभन्दा अग्लो डाँडो काटेर । धोको त थियो तर यति छिटै त्यो पूरा होला भन्ने उनलार्ई पनि लागेको थिएन होला । उनले एउटा कार्यक्रममा पुगेका बेला देखे, ‘त्यो अक्कर त फोरी सकेर काल्चेसम्म नै बाटो पुगिसकेछ ।’ त्यो आफैँले हेर्ने इच्छा भयो र अर्को दिन त्यता लागेका थिए उनी । 
त्यहाँ पुग्ने अर्को धेरै अग्लो भीर यो पहिले नै काटिएर वा भनौं निर्माण भइसकेर सार्वजनिक यातायात सुरु भइसकेका थिए । त्यही बाटो हुँदै त्यस दिन काल्चेको यो सडकको निरीक्षण भएको थियो । यो सडकको निरीक्षण क्रममा उनका सहयोगी रमेश महतले एउटा अनुभूति सुनाए । केही पहिले उनी यो गाउँमा नै रहेको एउटा सामुदायिक भवन उद्घाटन गर्न त्यहाँ पुगेका थिए हिँडेर नै । त्यो कार्यकममा उनले यो बाटो बन्छ भनेर बताउँदा कसैले पत्याएनन् र यो घोषणाप्रति चासो नै दिएनछन् । यो कुरा भन्दा कसैले ताली नै बजाएनछन् । आफ्नो गाउँमा बाटो आउँछ भनी जानकारी दिँदा ताली नबज्नु भनेको नपत्याइएको अवस्था नै हो ।  
यो निरीक्षण क्रममा एक वृद्ध व्यक्तिले भनेको कुरा पनि त्यस्तै थियो । यस्तो पहरो कसरी फोरिएला र बाटो आउला भन्ने कसैले पत्याएका थिएनन् । भन्दा रहेछन्, ‘यो आउन २० वर्ष लाग्छ ।’ जब डोजर आयो अनि यी ७० कटेका व्यक्ति तेम्वो सिंह तामाङ आफैँ यामानको झम्पल बोकेर डोजरलाई सघाउन थालेछन् । उनको भनाइ थियो – त्यसबेला मैले यति ठूलो झम्पल बोकेँ, बुझ्नु भो । आफ्नो गाउँमा बाटो छिटो ल्याउनु छ, यता २० वर्ष आउँदैन भन्न थालिएपछि उनलाई झोक चले छ र झम्पल बोकेर बाटो खन्न हिँडेछन् । 
छ किलोमिटरमध्ये करिब पाँच किलोमिटर अक्कर फोरिएको अवस्थामा आहिले पनि र जो कोहीले पनि हेर्न सकिन्छ । अक्कर फोरिएर नै होला बाटो पिचजस्तै छ कम्तीमा यो खण्डमा बाह्रै महिना चल्ने प्रकारको । यति छिटै यस्तो स्तरीय बाटो निर्माण भएको देखिएपछि यसका छेउकुना बनाउन स्थानीय विकासले १५ लाख थपिदियो । तर पहिले यहाँ जे बन्यो त्यो चाहिँ ४० लाखभित्रैको हो । यो हिसाब हुँदा करिब सात लाख रुपैयाँको सरदरमा एक किमि बाटो बनाइएको देखिन्छ । 
समयलार्ई हेरियो भने जम्मा ६० दिनमा यो काम सम्पन्न भयो । ठाउँको अवस्था भीर पहराको छ किलोमिटर, रकमको हिसाबले ४० लाख र समयको पक्षबाट जम्मा दुई महिना । यसैलाई हो अनुकरणीय भनिएको । सबैतिर यस्तो भयो भने अनुमान गरौँ कति रकमले कति समयमा कति काम हुँदो रहेछ ? नीतिनिर्माता र लागतको इष्टिमेट गर्नेहरुले त एकपटक यो बाटो हिँड्न र हेर्नुपर्छ नै । 
आप्mनो गाउँमा सडक पुग्दा स्थानीय आफैँ कति उत्साहित हुँदा रहेछन् भन्ने पनि यो बाटो निर्माणपछिको निरीक्षणका क्रममा देखियो । त्यस दिन डा. महत दुई किलोमिटरजति बाटो हिँडे । उनका पछि थिए यो गाउँका सम्पूर्ण नरनारी । हिँड्नसक्ने जति बालक, महिला र लौरोे टेकेर वृद्धवृद्धाहरु । उनका अनुहार जति हँसिला, रसिला र चम्किला देखिए त्यो आफँैमा एउटा नोट गर्नुपर्ने विषय थियो । त्यहाँ व्यक्त नै भयो अब सहरबाट गाडीमा पैसा आउँछ । भनाइ हो यहाँको उत्पादन सहरमा लगेर त्यसबाट अब पैसा आउन थाल्छ । 
यो ठाउँ अहिले आधारभूत सेवा सुविधाका लागि सम्पन्न भएको मान्नुपर्ने भएको छ । डा. महतले आफ्नो चुनावी घोषणामध्ये के—के आयो भनी यो दिन यहाँ बताउँदा खानेपानी, बिजुली र सिँचाइ यसअघि नै यहाँ आइसकेका रहेछन् केही अपवादबाहेक । यो बाटो पुगेपछि उर्लेनीका लागि उनको पहिलो चरणको घोषणा पनि पूरा भएको हुनुपर्छ । यो गाउँ अब आधारभूत सेवा पुगेका अरु जतिकै भएको अवस्था हो काल्चेमा सडक पुगेको क्षणदेखि । यसअघि यही काल्चेमा जताततै पहिरो गएर पूरै गाउँ विस्थापित हुनुपरेको जस्तो बेला र भूकम्पको समयमा हेलिकप्टरबाट आवतजावत र उद्धार गर्नुपरेको थियो । 


Posted on: 2017-Apr-20

POST YOUR COMMENTS

Please note that all the fields marked * are mandatory.

 
Note: Comments containing abusive words or slander shall not be published.


download

 

Interview

शान्ति सुरक्षा कायम गर्न कसैसंग पनि सम्झौता गर्दिन
धेरे गुण्डागर्दी र अपराधिक गतिविधि हुने पर्यटकिय दृष्टिकोणले अति संवेदनशिल क्षेत्र ठमेल समेतको कार्यक्षेत्र रहेको महानगरीय प्रहरी वृत्तका प्रमुख प्रहरी नायब उपरिक्षक सोमेन्द्र सिंह राठोर प्रहरी संगठन भित्र मात्र नभएर जनमानसमा पनि निडर तथा कर्तव्यनिष्ठ प्रहरीकोरुपमा परिचित हुनुुहुन्छ । उनी महानगरीय प्रहरी बृत लैनचौरको प्रहरी प्रमुुखकोरुपमा आएपछि आम सर्वसाधारणले शान्ति सुरक्षाको महसुस गरेकाछन । यस क्षेत्रको गुण्डागर्दी तथा असमाजिक एवम् अन्य आपाराधिक गतिविधिमा निकै कमी आएको महशुस गर्न थालिएको छ । उनै कत्र्यव्य निष्ठ प्रहरी अधिकारी राठौरसंग गरिएको समासामयिक अन्र्तवार्ताको संपादित अंश
Full Story


TECHNOLOGYSCIENCEAnautho SansarECONOMYEditorialINDUSTRYCRIMEBankingAGRICULTURELITERATUREPERSONALITYMANAAB DHARMABOOKANALYSISPOLITICSEDUCATIONBEEMAKHOJBOLLYWOODBUSINESSSAARC SUMMITBeauty tipsNEWSCOVER STORYREPORTBICHAR ARTICLESBANK-BANKERSPRABASENTERTAINMENTOUR SOCIETYHEALTHSPORTSOTHER FEATURESOFF THE BEAT
INTRODUCTIONEDITORIALBACKGROUNDFEATURES OBJECTIVES PROGRAM FUTURE PLAN ORGANIZATIONAL STRUCTURE OUR FAMILYCAREER WITH US
All rights reserved. 2011. yuwa hunkar